Fisioterapia deportiva en extremidades

 

Descrición

O curso avanzado de psgrao fisioterapia deportiva en extremidades é unha formación que trata de profundar na resposta terapéutica que dende a fisioterapia se pode dar nas lesións traumáticas no eido deportivo, sendo estas as máis habituais neste ámbito. A relevancia da formación para estudantes e profesionais de Fisioterapia radica na integración que se fai de diferentes técnicas de tratamento, como é a vendaxe, as técnicas manipulativas e o exercicio terapéutico, xunto cunha valoración do/a paciente, de cara a acadar unha boa e rápida evolución do/a mesmo/a, facilitando unha máis rápida reincorporación á actividade deportiva.

A denominación do curso fai referencia, por outra parte, a que esas lesións no eido deportivo vanse a centrar naquelas que se producen nos diferentes segmentos corporais das extremidades, tanto superiores (cintura escapular-ombro, cóbado, pulso e man) como inferiores (cadeira, xeonllo, nocello e pé). Algunhas das patoloxías sobre as que se vai a profundar na súa valoración e tratamento dende a proposta de Fisioterapia indicada (vendaxes, técnicas manipulativas e exercicio terapéutico) son tan relevante no eido deportivo como as cervicobraquialxias, a síndrome do impingement ou belisco subacromial, epicondilalxia, a síndrome do pronador, o túnel carpiano, a síndrome do corredor, aescordadura de nocello ou a fascite plantar.

Na actualidade é grande o interese pola práctica deportiva e o número de practicantes vaiincrementando ano a ano. Isto fai que tamén se vexa aumentado o número de lesións e que darlle solución de forma axeitada e co menor impacto en canto ao tempo fóra da práctica deportiva sexa un obxectivo fundamental, tanto para o/a deportista como para o/a profesional que o/a trate. Este curso pretende facilitar nos seus participantes incrementar a súa competencia clínico-asistencial para dar resposta dunha forma efectiva e rápida aos/ás deportistas que sofren unha lesión. Na formación facilitarase a integración de coñecementos que xa posúen con novas perspectivas de actuación, integrando técnicas pasivas e activas de tratamento, o que tamén busca que os/as pacientes sexan co-responsables do seu propio tratamento. A experiencia dos docentes neste eido pode facilitar acadar os obxectivos desta formación, o que poderá ser positivo para os/as participantes da mesma e dos/das seus/súas pacientes.

 

 

 

Modalidade

 

Horario

Venres de 15 a 21 horas

Sábados de 9:00 a 14:00 e de 15:30 a 20:30 horas

Domingos de 9:00 a 14:00 horas e de 15 a 19 horas

 

 

Prezos

Público en xeral	Alumni UVigo	Comunidade UVigo
300 €	270 €	255 €

Observacións aos prezos
As persoas en situación de desemprego ou discapacidade recoñecida poderán solicitar o prezo reducido da comunidade universitaria no momento da matrícula.
Instrucións para subir documentación: http://cpfp.uvigo.gal/docs/Instrucions_adxuntar_imprimir_documentacion.pdf

 

Obxectivos

Aprender a valorar a hipomobilidade e hipermobilidade articular.
Integrar valoración e tratamento en casos clínicos reais.
Coñecer como combinar as técnicas de vendaxe, manipulación e exercicio terapéutico no tratamento de lesións en deportistas.
Alcanzar a destreza necesaria para aplicar as manipulacións das articulacións das extremidades.

 

Destinatarios

Diplomados/as ou Graduados/as en Fisioterapia e estudantes de Fisioterapia que, cando menos, no curso 2025-26 estivesen en 3º curso do Grao de Fisioterapia.

 

Saídas Profesionais

Ao rematar o curso o alumnado terá os coñecementos básicos das aplicacións combinada máis axeitada das técnicas de vendaxe, manipulación e exercicio terapéutico nas principais lesións traumáticas deportivas a nivel das articulacións dos membros superiores e inferiores. Estes coñecementos permitiralle ao alumnado poder empregar as citadas técnicas de tratamento en diferentes centros laborais: centros deportivos, clubs deportivos, centros de fisioterapia, hospitais, centros de saúde, etc.

 

Idioma

Catelán

 

Competencias Específicas

Coñecer o concepto de hipo e hipermobilidade.
Coñecer as indicacións e contraindicacións das manipulacións con impulso.
Coñecer como e cando usar a vendaxe propioceptiva no/a deportista.
Coñecer como e cando integrar o exercicio terapéutico no/a deportista.
Lembrar as principais consideracións biomecánicas das articulacións das extremidades.
Aprender a integrar as técnicas de vendaxe, manipulación e exercicio terapéutico nas principais lesións deportivas das articulacións do membro superior.
Aprender a integrar as técnicas de vendaxe, manipulación e exercicio terapéutico nas principais lesións deportivas das articulacións do membro inferior.

 

Competencias Transversais

Capacidade para comunicarse oralmente de forma efectiva cos/coas pacientes.
Manter unha actitude de aprendizaxe e mellora continua, así como de adaptación a novas situacións.
Desenvolverse con creatividade, organización e liderado cos/coas pacientes.

 

Condicións de acceso

1) Diplomado/a ou graduado/a en Fisioterapia.
2) Alumnado do Grao en Fisioterapia de 4º curso.
3) Alumnado do Grao en Fisioterapia de 3º curso.

DOCUMENTACIÓN REQUIRIDA:
1) Documento de identificación.
2) Copia do título universitario ou certificado de estudos previos.

 

Metodoloxía

Contidos teóricos:

– Fisioloxía das manipulacións, concepto de hipo-hipermobilidade e indicacións e contraindicacións das manipulacións con impulso. 0,3 ECTS.
– Como e cando usar a vendaxe propioceptiva e o exercicio terapéutico no deportista. 0,2 ECTS.
– Evidencia científica. 0,1 ECTS.

Contidos prácticos:

– Valoración e biomecánica das principais articulacións das extremidades. 0,8 ECTS.
– Técnicas manipulativas con impulso das principais articulacións das extremidades. 1 ECTS.
– Vendaxe propioceptiva das principais articulacións das extremidades. 0,9 ECTS.
– Exercicio terapéutico enfocado ás principais articulacións das extremidades. 0,9 ECTS.
– Análise de casos clínicos. 0,8 ECTS.

Titorías (traballo):

– Caso clínico: proposta de valoración e tratamento dunha patoloxía prevalente no eido deportivo.

 

Materias

id	nome	caracter	créditos
200469	Fisioterapia deportiva en extremidades	Obligatoria	5.0

 

Profesorado

Gustavo Rodríguez Fuentes
Pablo Hernández Lucas

 

Avaliación

A avaliación consistirá na realización dun exame ao final do curso e a entrega dun traballo. O exame será de tipo test e haberá que sacar un 5/10 para superalo.

O traballo, desenvolto de forma individual ou por parellas, consistirá na presentación dun caso clínico relativo a unha das patoloxías máis prevalentes das extremidades no eido deportivo, onde se terá que presentar as características clínicas do caso clínico, a valoración feita (probas, test específicos…) e o plan de tratamento a desenvolver tendo en conta as técnicas vistas ao longo do curso. Ademais, esixirase unha asistencia, cando menos, do 80% das horas do curso.

 

Titulación

Diploma de curso avanzado de posgrado en fisioterapia deportiva en extremidades