Electrónica para compoñentes da automoción

 

Descrición

Na automoción é imparable a incorporación da electrónica tanto nos produtos como nosprocesos produtivos. Existe nas empresas deste ámbito a necesidade de reciclaxe eactualización de coñecementos, habilidades e capacidades do persoal que por formación etitulación non traballan no ámbito dos circuítos e sistemas electrónicos.

Neste Título faise unha revisión dos coñecementos e habilidades relacionadas ca selección,especificación e deseño de circuítos electrónicos que se incorporan no automóbil con especial énfase nos dispositivos de Electrónica de Potencia, nos sensores e circuítos de acondicionamento de sinal, nos circuítos e protocolos de comunicación, nos sistemas de adquisición de datos e no uso do microcontroladores para construír centralitas e unidades de control.

Este ano contamos con dous prazos de preinscrición e matrícula para os títulos de mestrado, especialista e experto/a. Lembra que para matricularte é necesario facer previamente a preinscrición. Consulta os prazos de preinscrición e matrícula aquí.

• 1º prazo de preinscrición: do 6 de xuño ao 30 de xuño de 2025
• 1º prazo de matrícula: do 14 de xullo ao 24 de xullo de 2025
• 2º prazo de preinscrición: do 30 de xullo ao 29 de agosto de 2025
• 2º prazo de matrícula: do 11 de setembro ao 12 de setembro de 2025

 

 

Colaboradores

 

Modalidade

 

Horario

Venres de 16:00 a 21:00 horas e sábados de 9:00 a 14:00 horas

 

 

Prezos

Público en xeral	Alumni UVigo	Comunidade UVigo
1475 €	1327.5 €	1253.75 €

Observacións aos prezos
As persoas en situación de desemprego ou discapacidade recoñecida poderán solicitar o prezo reducido da comunidade universitaria no momento da matrícula.

 

Obxectivos

O obxectivo do curso é a especialización en Electrónica Industrial de Enxeñeiros que por formación teñan escasos coñecementos nesa área de actividade, e que a súa actividadeprofesional estea a esixir unha actualización dos mesmos. O nivel de coñecementos adquiridos polo alumnado permitiralles entender a funcionalidade dos dispositivos e circuítos que forman un equipo electrónico como compoñente de automoción, así como participar na especificación de novos circuítos neste ámbito.

 

Destinatarios

PERFIL DE INGRESO

Os destinatarios do Curso son Enxeñeiros non especialistas en Electrónica Industrial que pola súa actividade profesional precisen de coñecementos para entender, manexar ou realizar especificacións de funcionamento de equipos electrónicos. Con esta formación, estes enxeñeiros poderán participar en proxectos ou actividades nos que se incorporen ou utilicen dispositivos ou circuítos electrónicos, mellorando a comprensión do funcionamento e optimizando os resultados.

REQUIRIMENTOS DE ACCESO AO TÍTULO

Para acceder a este título deberá cumprir algunha das seguintes condicións:

• Posuír o título de Enxeñeiro Mecánico (Grao ou Máster) ou equivalente
• Ter o título de Grao dalgún dos graos que dan acceso o Máster de Enxeñeiro Industrial que non sexa específico de Electrónica Industrial
• Ter o título de Enxeñeiro Industrial
• Ter calquera outra titulación Universitaria que a Comisión Académica considere adecuada

 

Saídas Profesionais

O remate a titulación o alumando terá:

• Os coñecementos necesarios para entender e aplicar as especificacións dos circuítos e sistemas electrónicos que se incorporan nun automóbil.
• Coñecementos sobre o funcionamento dos sensores e dos circuítos de acondicionamento de sinal.
• A capacidade de entender e aplicar as especificacións dos protocolos de comunicación utilizados na automoción.
• A capacidade para facer e negociar as especificacións funcionais e eléctricas dos equipos de verificación de funcionamento dos compoñentes electrónicos.
• Coñecemento sobre a estrutura e bloques funcionais que forman as unidades de control (ECUs) dun automóbil.
• Habilidade para usar programas informáticos de simulación de circuítos e sistemas electrónicos.

 

Idioma

80% castelán e 20% galego

 

Competencias Específicas

• CE1 Coñecer, identificar e saber usar dispositivos electrónicos
• CE2 Coñecer e saber usar os bloques funcionais de Electrónica
• CE3 Saber usar ferramentas informáticas de simulacion de circuitos electrónicos
• CE4 Coñecer, identificar e saber usar dispositivos de electrónica de potencia
• CE5 Coñecer tecnoloxías de electrónica dixital
• CE6 Coñecer os fundamentos e aplicacións da electrónica dixital e microcontroladores
• CE7 Coñecer os fundamentos e aplicacións de sensores no ámbito da automoción
• CE8 Capacidade para deseñar sistemas electrónicos analóxicos para a adquisición de datos
• CE9 Coñecer, identificar e saber usar circuitos e protocolos de comunicación de información en automoción
• CE10 Coñecer, identificar e saber usar sistemas de adquisición de datos
• CE11 Capacidade para configurar e programar sistemas de adquisición de datos
• CE12 Coñecer, identificar e saber usar sistemas de control baseados en microcontroladores
• CE13 Capacidade para programar sistemas de control baseados en microcontroladores

 

Condicións de acceso

Os participantes das accións formativas subvencionadas deberán ser cidadáns dun Estado membro da Unión Europea ou doutro Estado parte no Acordo sobre o Espazo Económico Europeo e de Suíza, así como os seus familiares recollidos no artigo 2 e 2 bis do Real Decreto 240/2007, do 16 de febreiro, ou ter autorización para permanecer ou residir en territorio español.

Para acceder a este título deberá cumprir algunha das seguintes condicións:

• Posuír o título de Enxeñeiro Mecánico (Grao ou Máster) ou equivalente
• Ter o título de Grao dalgún dos graos que dan acceso o Máster de
  Enxeñeiro Industrial que non sexa específico de Electrónica Industrial
• Ter o título de Enxeñeiro Industrial
• Ter calquera outra titulación Universitaria que a Comisión Académica considere adecuada

Documentación requirida:

1) Certificado de Titulación Académica

 

Criterios de selección

1) Grao ou Máster en Enxeñería Mecánica: 100%

2) Grao en Enxeñería Industrial: 95%

3) Grao que habilita o acceso ao Máster en Enxeñería Industrial: 90%

4) Outras titulacións que a Comisión Académica considere adecuadas: 80%

 

Materias

id	nome	caracter	créditos
200073	Dispositivos electrónicos y electrónica analógica	Obligatoria	3.7
200075	Electrónica de potencia en automoción	Obligatoria	2.3
200076	Electrónica digital y microcontroladores	Obligatoria	3.0
200077	Sensores	Obligatoria	3.0
200078	Electrónica para la adquisición de datos	Obligatoria	3.0
200079	Comunicación de información en automoción	Obligatoria	3.0
200080	Sistemas de adquisición de datos	Obligatoria	3.0
200081	Microcontroladores – Programación	Obligatoria	3.0
200082	Proyecto de sistema electrónico de adquisición de datos	Obligatoria	3.0
200083	Proyecto de sistema electrónico de control basado en microcontrolador	Obligatoria	3.0

 

Avaliación

A avaliación das materia do curso vaise facer de forma asíncrona. En cada materia haberá un exame de tipo test ou preguntas obxectivas e de desenvolvemento para avaliar os contidos da parte teórica da materia. Este exame será asíncrono e terá que estar realizado polo alumnado unha semana despois de ter rematado o período presencial da materia.

A avaliación completase co informe das prácticas realizadas. O alumnado deberá presentar un documento cos resultados dos traballos realizados no laboratorio, a medida que se fagan as prácticas e no prazo máximo dunha semana despois de rematalas. No caso de unha avaliación negativa, o alumnado disporá de una segunda oportunidade para superar a materia nas datas establecidas pola Comisión Académica.

 

Titulación

Especialista Universitario/a en Electrónica para Compoñentes de Automoción